Міжнародная выстава Korea Import Fair 2024 у Сеуле

Выставачнае прадпрыемства «Белінтэрэкспа» Беларускай гандлёва-прамысловай палаты запрашае зацікаўленыя прадпрыемствы і арганізацыі прыняць удзел у калектыўнай экспазіцыі айчынных вытворцаў Made in Belarus на міжнароднай шматгаліновай выставе Korea Import Fair, якая пройдзе з 4 па 6 ліпеня на плошчахна плошчах мультыплатформеннага цэнтра COEX у Сеуле (Рэспубліка Карэя).

Korea Import Fair 2024 з'яўляецца аптымальнай партнёрскай выставай дзелавога сегмента, на якой перспектыўныя замежныя кампаніі, якія імкнуцца выйсці на карэйскі рынак, сустракаюцца з імпарцёрамі і дыстрыбутарамі пры ўдзеле больш за 50 замежных пасольстваў у Рэспубліцы Карэя.

Асноўнымі відамі прадукцыі, прадстаўленай на шматгаліновай выставе Korea Import Fair 2024, з'яўляюцца: прадукты харчавання і напоі, касметыка, дзіцячыя тавары, ювелірныя вырабы і аксесуары, тавары для спорту і адпачынку, электрычныя і электронныя прыборы, прадметы першай неабходнасці, паслугі сферы гандлю і падарожжаў.

Выстава Korea Import Fair 2024 суправаджаецца шырокай дзелавой праграмай, якая ўключае: семінары, B2B-сустрэчы і дыялогавыя бізнес-пляцоўкі.

Нацыянальны выставачны аператар «Белінтэрэкспа» арганізуе прыём заявак з вызначэннем індывідуальнай карты ўдзельніка для кожнага айчыннага прадпрыемства і кампаніі ў рамках экспазіцыі Made in Belarus. Дадаткова для пула ўдзельнікаў абмяркоўваюцца асобныя дзелавыя перагаворы з прадстаўнікамі буйных бізнес-асацыяцый Рэспублікі Карэя.

Міжнародны выставачны форум Korea Import Fair 2024 праводзіцца пры падтрымцы Карэйскай асацыяцыі імпарцёраў (KOIMA), Міністэрства гандлю, прамысловасці і энергетыкі (MOTIE) і Карэйскага агенцтва па садзейнічанні гандлёвым інвестыцыям (KOTRA).